رسومات توضح كل نوع: طريقة الفتح، الشكل والإطار، المقابض والإكسسوارات، ونوع الزجاج. اختر اللي يناسب مدخلك أو مكتبك، وإحنا نقيس ونفصّل ونركّب، وإذا عندك تفاصيل خاصة نصممها لك.
طريقة فتح الباب تحدد الإكسسوارات ومكان التركيب. كل رسمة فيها واجهة ومنظر علوي يوضح حركة الباب.


باب زجاج بدون إطار يتثبت بباتش فيتنق من فوق وتحت، ويلف على مكينة مدفونة في الأرضية. يفتح للجهتين ويرجع لمكانه لحاله. الأشهر للمحلات والمكاتب.

الباب يتثبت على الجدار أو على لوح زجاج ثابت بمفصلات زجاج. بسيط وعملي للمكاتب والغرف الداخلية.



الباب يلف على محور من فوق وتحت بعيد عن الطرف، فيقدر يكون عريض وثقيل. شكل فخم للمداخل الكبيرة والفلل.

الباب يسحب جنب الجدار على مجرى ستانلس ظاهر بعجلات. يوفر مساحة الفتح، ومناسب للمكاتب والغرف الصغيرة.

دلفتين تنفتح لحالها بحساس حركة، مع جوانب ثابتة. للمولات والمستشفيات والمعارض والأماكن اللي فيها حركة كثيرة.
ألواح زجاج تنطوي على بعضها وتفتح الواجهة كاملة. مناسب للمطاعم والمقاهي والجلسات الخارجية.
نفس طرق الفتح تتنفذ بأشكال مختلفة حسب عرض الفتحة والستايل اللي تبيه.

دلفتين زجاج للفتحات العريضة، كل دلفة على مكينة أرضية، مع مقابض متقابلة في النص.


الباب في النص، وعلى جنبه وفوقه زجاج ثابت يكمّل الواجهة. يطلع المدخل كله زجاج بشكل متناسق.

الزجاج داخل إطار ألمنيوم رفيع بأي لون، وممكن نقسمه بخطوط. ستايل عصري للمكاتب والبيوت.
كل الإكسسوارات ستانلس، ومتوفرة بجميع الألوان حسب الطلب.
مقبض طويل للمداخل، مقبض H، مقبض قصير للمكاتب، أو مقبض مع قفل. نختار الطول حسب ارتفاع الباب.
باتش فيتنق يمسك الزجاج، مكينة أرضية تتحكم في الفتح والقفل، قفل أرضي للأمان، ومُغلق علوي للأبواب المفصلية.
الباب يتنفذ بأي نوع زجاج، ونقدر نحط عليه رسمة أو شعار شركتك.
شفاف، مصنفر للخصوصية، مضلّع، ملوّن، برسمة مصقولة بالرمل أو شعار، أو فابريك لامينيت بالقماش اللي تختاره. كتالوج الفابريك ←
لوح زجاج سيكوريت واحد 10 أو 12 مم، أقوى من الزجاج العادي بعدة مرات. وإذا انكسر يتفتت قطع صغيرة غير حادة. الأكثر استخدامًا للأبواب.
لوحين زجاج بينهم طبقة لامينيت. إذا انكسر الزجاج يبقى متماسك في مكانه وما يطيح، ومناسب للمداخل الرئيسية والأماكن الحساسة.
نحدد المواصفات النهائية بعد المعاينة، حسب الارتفاع ومكان التركيب والاستخدام.
المقابض والمفصلات والمكائن والمجاري متوفرة بجميع الألوان حسب الطلب، وهذي أشهرها.
جميع الألوان متوفرة حسب الطلب
صور توضيحية لأبواب زجاج. اضغط على أي صورة عشان تشوفها كاملة.





تبي رسمة أو شعار على الباب؟ شاهد رسومات المصقول بالرمل ←
طريقة الفتح والشكل ونوع الزجاج.
جميع الألوان متوفرة حسب الطلب.
نجي موقعك ونقيس الفتحة ونحدد الإكسسوارات المناسبة.
نصنّع الزجاج في مصنعنا ونركّبه بفريقنا.
أرسل لنا مكان الباب ومقاس الفتحة التقريبي والنوع اللي عجبك على الواتساب، ونرد عليك بالتفاصيل وعرض السعر. ضمان على منتجاتنا وأعمال التركيب.
تواصل معنا على واتسابالرسومات والصور للتوضيح.

