رسومات توضح كل نوع: كيف يتثبت الزجاج، شكل الهاندريل، وين يركب، ونوع الزجاج المناسب: شفاف، ملوّن، فلوتد أو فابريك لامينيت. اختر اللي يناسب مكانك، وإحنا نقيس ونفصّل ونركّب.
الطريقة اللي يتثبت فيها الزجاج تحدد شكل الدرابزين ومكانه. كل رسمة فيها واجهة ومقطع يوضح التثبيت.

الزجاج يركب داخل قناة ألمنيوم مثبتة فوق الأرضية. شكل نظيف بدون قوائم، ومناسب للبلكونات والأسطح والممرات.
القناة تنزل داخل الأرضية وتنغطى بالتشطيب، فيبان الزجاج طالع من الأرض مباشرة. يحتاج تجهيز قبل التبليط.
القناة تتثبت على جنب البلاطة من برّا، فتبقى الأرضية كاملة بدون أي شي فوقها. مناسب للميزانين والدرج.
قواعد ستانلس صغيرة تمسك الزجاج من تحت، اثنين أو أكثر لكل لوح. مناسب جداً لأسوار المسابح والأسطح.

الزجاج مخروم ومثبت على حافة البلاطة ببراغي ستانلس دائرية تبعده عن الجدار. شكل فخم ويوضح سماكة الزجاج.
قوائم ستانلس على مسافات ثابتة، والزجاج يتثبت بينها بماسكات، وفوقها هاندريل. خيار عملي واقتصادي.
الهاندريل هو المسكة العلوية. تقدر تخلي الزجاج بدون مسكة، أو تضيف كاب أو هاندريل حسب الشكل اللي تبيه والاستخدام.


حافة الزجاج العلوية مصقولة وناعمة. أخف وأنظف شكل، والزجاج يكون أسمك أو لامينيت حسب الارتفاع.


غطاء ستانلس على شكل حرف U يركب فوق حافة الزجاج، يحميها ويعطي خط علوي رفيع.

هاندريل ستانلس دائري مثبت على الزجاج بحوامل، تمسكه اليد بسهولة. مناسب للدرج والأماكن العامة.

مسكة خشب فوق الزجاج تعطي دفء ولمسة فخمة، وتناسب الفلل والديكورات الكلاسيكية.
أمثلة لأشهر الأماكن اللي نركّب فيها الدرابزين الزجاجي، وطريقة التثبيت المناسبة لكل مكان.

ألواح زجاج مفصّلة على ميلان الدرج، بقناة جانبية أو فوق الدرجات، مع هاندريل أو بدونه.

زجاج يحمي بدون ما يحجب الإطلالة. يركب بقناة أو سبايقوت على أرضية البلكونة.

زجاج على حافة الميزانين أو فتحة الدرج في الدور العلوي، بقناة فوق البلاطة أو على جنبها.
سور زجاج حول المسبح يحمي الأطفال ويخلي المسبح ظاهر. غالباً يركب على سبايقوت ستانلس.
للدرج الدائري والبلكونات المنحنية، الزجاج يتفصّل منحني على نفس قوس المكان.
نقدر نسوي الدرابزين بأي نوع زجاج تبيه: شفاف، ملوّن، مضلّع (فلوتد)، فابريك لامينيت، أو برسمة. ونختار معك الأنسب حسب الأمان والخصوصية والشكل. شاهد كتالوج الفابريك ← ورسومات المصقول بالرمل ←


الدرابزين يتنفذ بأي نوع زجاج: شفاف للإطلالة الكاملة، مصنفر للخصوصية، ملوّن (مدخّن أو برونزي)، مضلّع (فلوتد)، فابريك لامينيت بالقماش اللي تختاره، أو برسمة مصقولة بالرمل.
لوحين زجاج سيكوريت بينهم طبقة لامينيت. إذا انكسر الزجاج يبقى متماسك في مكانه، وهذا المناسب للأماكن العالية والميزانين.
نحدد المواصفات النهائية بعد المعاينة، حسب الارتفاع ومكان التركيب والاستخدام.
القنوات والسبايقوت والماسكات والهاندريل متوفرة بجميع الألوان حسب الطلب، وهذي أشهرها.
جميع الألوان متوفرة حسب الطلب
صور توضيحية لدرابزينات زجاج. اضغط على الصورة عشان تشوفها كاملة.













طريقة التثبيت والهاندريل ونوع الزجاج.
جميع الألوان متوفرة حسب الطلب.
نجي موقعك ونقيس ونحدد سماكة الزجاج المناسبة.
نصنّع الزجاج في مصنعنا ونركّبه بفريقنا.
أرسل لنا المكان (درج، بلكونة، ميزانين أو مسبح) والطول التقريبي والنوع اللي عجبك على الواتساب، ونرد عليك بالتفاصيل وعرض السعر. ضمان على منتجاتنا وأعمال التركيب.
تواصل معنا على واتسابالرسومات والصور للتوضيح.

